Rapa wa Marekani Sean “Diddy” Combs ameripotiwa kuongeza wasikilizaji wapya mtandaoni baada ya kukamatwa kwa rapa huyo hivi karibuni.
Kwa mujibu wa ripoti iliyotolewa na kampuni ya uchambuzi wa data Luminate imeripoti kuwa muziki wa Diddy umepata ongezeko la asilimia 18.3 ya streams kwenye wiki aliyokamatwa ikilinganishwa na wiki ambazzo alikuwa uraiani .
Diddy amewekwa kizuizini katika gereza la Metropolitan Detention Center (MDC) huko Brooklyn, New York Marekani gereza lenye sifa ya ukatili kwa wafungwa na kuongezeka kwa kesi za wafungwa kujiua huku miezi michache iliyopita mfungwa mmoja alifariki ndani ya gereza hilo kutokana na ugomvi kati ya wafungwa.
Rapa huyo mwenye umri wa miaka 54 alikamatwa katika eneo la Manhattan Nchini humo septemba 16 mwaka huu na kupandishwa kizimbani kwa mara ya kwanza siku ya Jumanne kwa tuhuma za kuunda mtandao wa kujihusisha na biashara ya ngono, utekaji nyara, na kupindisha haki pamoja na tuhuma za unyanyasaji wa kijinsia.
