Klabu ya Real Madrid in uwezekano wa kumkosa mshambuliaji wao kinara Kylian Mbappe kwenye mchezo wa ligi kuu Hispania dhidi ya mahasimu wao wa jiji la Madrid, Atletico Madrid baada ya juzi kupata jeraha la nyama za paja.
Licha ya tetesi hizo bado klabu ya Real Madrid haijatoa taarifa rasmi kuhusu jeraha la Mbappe huku taarifa rasmi ikitegemewa kutoka ndani ya saa 24 kutoka sasa.
Akiwa na Madrid Mbappe amefunga mabao 7 kwenye mechi 5 mfululizo zilizopita.
Real Madrid itakuwa mgeni wa Atletico kwenye dimba la Wanda Metropolitan jumapili hii kuanzia saa 4 usiku.
