Zari Hassan ameomba radhi hadharani kwa mumewe, Shakib Lutaaya, akikiri kwamba kelele zake za hivi karibuni kwenye mitandao ya kijamii zilichochewa na kufadhaika.
Mfanyabiashara huyo alifunguka kuhusu matendo yake wakati wa mahojiano na vyombo vya habari, ambapo alieleza kuwa kwa sasa yuko Kampala kuungana na Shakib na kurekebisha uhusiano wao.
Zari Hassan anamuomba mume Shakib msamaha
Akitafakari kuhusu tabia yake, Zari alikiri kwamba matendo yake yalikuwa ya upotovu na aliyahusisha na hali yake ya kihisia wakati huo.
“Mambo yanatokea… Mungu alituumba ili tufanye makosa… Tunafanya makosa… Lakini baadae nilitafakari na kutambua kuwa nilivuka mipaka,” Zari alisema.
Aliongeza, “Mimi ni mwanamke mkaidi. Mimi ni mwanamke anayejitegemea… mimi ni Zari the BossLady… Lakini, kwa ukweli kabisa, nilifanya makosa… nilikuwa na frustrations zangu.”
Zari alikiri kwamba alitumia mitandao ya kijamii kama njia ya kufichua masikitiko yake, akitambua kuwa lilikuwa jukwaa lisilo sahihi kueleza hisia zake. Alieleza kuwa matendo yake yalichochewa na mjengeko wa mihemko, na hivyo kumpelekea kufoka hadharani.
